Загінуўшыя беларусы змогуць атрымаць званне Героя Украіны

Дэпутаты Вярхоўнай Рады Украіны запрапанавалі ўнесці змены у Закон Украіны "Аб дзяржаўных узнагародах Украіны".

Пасля ўступлення ў сілу зменаў беларускія добраахвотнікі, якія загінулі за Украіну на расійска-ўкраінскай вайне, змогуць пасмяротна атрымаць званне Героя Украіны.

Зараз закон Украіны "Аб дзяржаўных узнагародах Украіны" прадугледжвае, што званне Героя Украіны надаецца грамадзянам Украіны, а ў асобных выпадках — замежнікам, якія былі нагароджаныя ордэнам Герояў Нябеснай Сотні (тым, хто загінуў пад час Рэвалюцыі Гіднасці). Гэта значыць, што замежнікі, якія ваявалі за Украіну пасля Рэвалюцыі Годнасці, не маглi прэтэндаваць на гэтае званне.

Першым і адзіным замежнікам, які пасмяротна стаў Героем Украіны, з'яўляецца беларус Міхась Жызнеўскі.

Фота: афіцыйны сайт Прэзідэнта Украіны