Беларусы Канады правядуць сустрэчу з камандзiрамi палка

25 лютага Згуртаванне Беларусаў Канады запрашае беларусаў на размову з камандзірамі палка iмя Кастуся Каліноўскага.

Сустрэча пройдзе ў анлайн-фармаце.

Беларусаў Таронта і наваколляў запрашаем сабрацца ў памяшканні Беларускага Цэнтру (524 St Clarens ave, Toronto), дзе будзе наладжана трансляцыя размовы на вялікім экране.

Падчас размовы будуць абмеркаваныя магчымасці супрацы паміж Палком і дыяспарай, а таксама прадстаўнікі Палка адкажуць на пытанні. Да размовы можна далучыцца праз праграму Zoom з любой кропкі Канады і свету.

Для рэгістрацыі адпраўце сваё імя, прозвішча і кантактны тэлефон на адрас пошты secretariat@belarusians.ca

Незадоўга да сустрэчы кожнаму ўдзельніку на электронную пошту будзе выслана інструкцыя з інфармацыяй аб далучэнні да анлайн канала.