Прэзідэнт Чэхіі жадае сустрэцца з ваярамі палка Каліноўскага

Прадстаўнікі палка Каліноўскага працягваюць наведванне еўрапейскіх гарадоў. Там добраахвотнікі праводзяць сустрэчы з беларускімі актывістамі і мясцовымі палітыкамі. Сёння каліноўцы ў Празе сустрэліся з чэскім публіцыстам і філосафам Пятром Главачэкам і шэрагам чэшскіх дэпутатаў. Пасля гэтай сустрэчы кіраўнік знешнепалітычнага камітэта палаты дэпутатаў чэшскага парламента Марэк Жэнiшэк напісаў у сябе на старонцы ў Твітары: «Гэтыя героі — мая надзея, што зло прайграе».

Акрамя таго, дэпутаты перадалі беларускім ваярам прывітанне ад прэзідэнта Чэхіі Пятра Паўла. Ён таксама хацеў бы прыняць удзел у сустрэчы дэпутатаў з беларускімі добраахвотнікамі, але праз шчыльны графік зрабіць гэтага не змог. Аднак запрасіў беларусаў на сустрэчу падчас iх наступнага прыезду ў Чэхію.