08 Травень 2023

Навіны тыдня 01-07.05 Прэс-рэліз №45

Навіны з фронту

Батальён Волат и батальён Літвін на мінулым тыдні працавалі разам на адным з найгарачэйшых накірунках фронту.

Нажаль, у абодвух батальёнах ёсць параненыя. Зараз іх жыццю нічога не пагражае.

Дэталі баявых задач, якія выконваюць нашы ваяры, мы не можам зараз раскрываць па пэўных прычынах. Пры першай мажлівасці ўсе падрабязнасці з'явяцца ва ўсіх афіцыйных сетках Палка, спасылкі на якія вы можаце ўбачыць на экране і ў апісанні да відэа.

Новыя крылы

На мінулым тыдні палкавое БПЛА імя Мікіты Крыўцова займалася маніторынгам перасоўвання ворага і карэктавала агонь па выяўленных мэтах на адной з гарачэйшых ліній сутыкнення. Таксама эффектыўна адпрацавалі пілоты на новых крылах, якія заляталі непасрэдна ў тыл акупанта. У выніку працы ўжо выяўлены дзясяткі месц захоўвання цяжкой артылерыі, склады і агнявыя пазіцыі ворага. Уся інфармацыя адразу перадаецца ў штаб для планавання далейшых дзеянняў. Нажаль, у дадзены момант падрабязнасці і відэа працы мы паказаць не можам, але слядкуйце за сеткамі Палка.

Праца медроты і механізаванага падраздзялення

Медрота Палка працягвае аказваць бесперабойную падтрымку ўсіх баявых падраздзяленняў Палка.

Механізаваннае падраздзяленне на мінулым тыдні праводзіла выведку месц знаходжання тэхнікі, была эвакуявана САУ. Таксама быў адрамантаваны танк Т72Б.

Страт на мінулым тыдні няма.

Мы загучалі на беларускіх радыёстанцыях

На мінулым тыдні звароты ад ваяроў Палка Каліноўскага загучалі на беларускіх радыёстанцыях. Гэта была ўдалая спроба ўрэзацца ў частоты рэжыму. Аперацыя працягваецца і мы будзем гучаць у роднай Беларусі ўсё часцей!

Усе актуальныя навіны, дэталі і падрабязнасці падзей вы можаце знайсці на нашым афіцыйным сайце і ў сацыяльных сетках Палка.

Інфармацыя, якая тычыцца дапамогі Палку Каліноўскага таксама знаходзіцца ва ўсіх нашых афіцыйных крыніцах.

Дапамагчы Палку!

Шукаем тых, хто гатовы дапамагаць беларускім добраахвотнікам

Даведацца больш

Падтрымаць

Паважаныя сябры!

З прычыны адсутнасці фінансавай справаздачнасці па ўсіх рахунках Палка Каліноўскага, у тым ліку ўкраінскіх, польскіх і крыптовалютных, на працягу больш за год і ігнараванне адказу на гэтае пытанне штабам Палка Каліноўскага, адміністратар дадзенага сайта лічыць мэтазгодным не мець дачынення да непразрыстых фінансавых выдаткаў. У далейшым тут будзе размяшчацца інфармацыя па рахунках для донатаў канкрэтных баявых падраздзяленняў, якія маюць патрэбу ў падтрымцы, даюць справаздачнасць і не маюць дачынення да прадстаўнікоў штаба палка.

Разам да перамогі!