Навіны тыдня 20-26.03 Прэс-рэліз №39

Праца батальёнаў і падраздзяленняў на фронце

На мінулым тыдні батальён “Літвін” працаваў на запарожскім і херсонскім накірунках фронту. Працавалі сапёры, выведка і мінамётныя разлікі батальёна. Знішчана жывая сіла ворага і бронетэхніка.

Батальён “Волат” працягвае стаяць на абароне Бахмута. Працуюць мінамётныя разлікі батальёна і штурмавыя групы.

Палкавое падраздзяленне БПЛА імя Мікіты Крыўцова праводзіла выведку варожых пазіцый, а так сама карэктыроўку артылерыі сумежнікаў. Паспяхова адпрацаваў мінамётны разлік падраздзялення. 25 сакавіка, у Дзень Волі, Палкавое Бпла выконвала задачу разам з сумежнымі падраздзяленнямі. У выніку паспяхова адпрацавалі па ангарах з БК, тэхнікай і жывой сілай ворага.

Медрота Палка Каліноўскага працягвае працаваць на двух накірунках фронту.

Страт і параненых на мінулым тыдні ў Палку Каліноўскага няма.

Дзень Волі

Полк Каліноўскага, разам з усімі беларусамі адсвяткаваў 105 год абвешчання Беларускай Народнай Рэспублікі. Прадстаўнікі Палка распавялі як прайшоў гэты год і звярнуліся да беларусаў.

Усе актуальныя навіны, дэталі і падрабязнасці падзей вы можаце знайсці на нашым афіцыйным сайце і ў сацыяльных сетках Палка.

Інфармацыя, якая тычыцца дапамогі Палку Каліноўскага таксама знаходзіцца ва ўсіх нашых афіцыйных крыніцах.