Год Палку Кастуся Каліноўскага

Роўна год таму, на гэтым відэа, рота беларускіх добраахвотнікаў, якія сталі на абарону Украіны, паведамляе аб фармаванні батальёна.

І вось ужо доўгі час мы Полк!

За гэты час мы панеслі страты. Два нашых ваяра ў палоне ў акупанта. Многія з ваяроў атрымалі параненні рознай ступені цяжкасці.

Але, пры ўсім гэтым, нас становіцца ўсё больш! Мы штодзень выконваем баявыя задачы на фронце. Мы заявілі аб сваіх палітычных амбіцыях. Да нас далучаюцца цэлымі арганізацыямі. Аб нас ведаюць ва Украіне, Польшчы, Літве, Латвіі, Эстоніі, ЗША, Канадзе, Брытаніі і яшчэ ў шматлікіх дэмакратычных краінах міру.

А галоўнае - нас чакаюць у Беларусі.

Адна згадка пра нас прымушае нервавацца вусатага дыктатара і яго шасцёрак.