Навіны тыдня 30.01-5.02 Прэс-рэліз №32

Навіны з фронту. Узялі палонных

На мінулым тыдні група выведкі батальёна “Літвін” працавала на ўсходнім напрамку фронту. Баявая задача была выканана паспяхова, аднак адзін з ваяроў атрымаў лёгкае параненне. Яго жыццю нічога не пагражае, ваяр ужо знаходзіцца ў шыхтах батальёна.

Батальён “Волат” так сама працуе на ўсходзе Украіны. Паспяхова знішчае ворага падраздзяленнямі, якія працуюць з АГС, мінамётаў і ПТРК “Мілан”.

Палкавое падраздзяленне БПЛА імя Мікіты Крыўцова правяло вельмі насычаны тыдзень. Мінамётчыкі падраздзялення накрылі пяхоту ворага ў лесапаласе і адпрацавалі па КСП акупанта. Дроншчыкі падраздзялення вылучылі штаб ворага і скарэктавалі па ім агонь. Таксама сіламі падраздзялення БПЛА імя Мікіты Крыўцова былі ўзятыя палонныя з ПВК “Вагнер”.

Страт на мінулым тыдні ў Палку Каліноўскага няма.

Зянон Пазняк наведаў пазіцыі ў Бахмуце

Так сама на мінулым тыдні Зянон Пазняк наведаў пазіцыі Палка Каліноўскага ў Бахмуце. Ён паразмпўляў з хлопцамі, для каторых прыезд Зянона Станіслававіча быў нечаканы. Сустрэча прайшла цёпла, бо сустрэліся людзі, якія аднолькава бачаць шлях вызвалення роднай Беларусі.

Ушанавалі памяць Кастуся Каліноўскага

Полк Каліноўскага ўшанаваў памяць Кастуся Каліноўскага ў дзень яго народзінаў. Мы скончым яго справу і пераможам крывавую імперыю, дзеля таго, каб нашыя дзеці ўжо не сутыкнуліся з ёй, а жылі ў вольнай, незалежнай і дэмакратычнай Беларусі.

Усе актуальныя навіны, дэталі і падрабязнасці падзей вы можаце знайсці на нашым афіцыйным сайце і ў сацыяльных сетках Палка.

Інфармацыя, якая тычыцца дапамогі Палку Каліноўскага таксама знаходзіцца ва ўсіх нашых афіцыйных крыніцах. Падтрымаць Полк