04 Лістапад 2022

Cустрэча з мэрам Кіева Віталём Клічко

Прадстаўнікі Палка Каліноўскага сустрэліся з мэрам Кіева Віталём Клічко

4 лістапада ў Кіеве прайшла сустрэча прадстаўнікоў Палка Каліноўскага з кіраўніком украінскай сталіцы Віталём Клічко. Гарадскі галава Кіева падзякаваў беларусам за ўдзел у абароне Кіева ў лютым-сакавіку 2022 года. Нагадаем, што камандзір палка Дзяніс Кіт падчас абароны Кіева атрымаў раненне, а таксама гераічна загінулі 2 беларускія добраахвотнікі.

На сустрэчы таксама прысутнічаў народны дэпутат Ігар Гузь.

Падчас размовы добраахвотнікі расказалі пра палітычную сітуацыю ў Беларусі і асабліва падкрэслілі, што абсалютная большасць беларусаў падтрымліваюць Украіну ў яе барацьбе і катэгарычна негатыўна ставяцца да выкарыстання тэрыторыі іх краіны для агрэсіі супраць украінскага народу.

Таксама былі абмеркаваныя пытанні дапамогі з боку кіеўскай гарадской адміністрацыі Палку Каліноўскага.

Дапамагчы Палку!

Шукаем тых, хто гатовы дапамагаць беларускім добраахвотнікам

Даведацца больш

Падтрымаць