Тінь Сонця ў каліноўцаў

Да байцоў Палка Каліноўскага завітаў у госці Сяргей Васілюк - фронтмэн культавага ўкраінскага фолк-метал-рок-гурта Тінь Сонця. У гэты вечар са сцэны гучалі ўкраінскія і беларускія песні, а зала раз-пораз выбухала не толькі апладысментамі, але і воклічамі \"Жыве Беларусь!\" і \"Слава Украіне!\" У фінале канцэрта байцоў чакаў сапраўдны падарунак: легендарная песня гурта Тiнь Сонца \"Меч Арэя\" загучала на беларускай мове. Першымі, хто пачуў новую версію песні, сталі нашы ваяры.