Баец палка Гарэза даў Радыё Свабодзе

“Для большасьці беларускіх добраахвотнікаў вайна ня скончыцца, пакуль не падзе аўтарытарны рэжым у Беларусі. Мы будзем удзельнічаць у будучым супрацьстаяньні”.

Баец нашага палка з пазыўным “Гарэза” даў інтэрв’ю “Радыё Свабодзе”, у якім распавёў, як рыхтаваўся да вайны яшчэ ў Беларусі, стаўленне да расейцаў і будучыню пасля вайны.

“У Кіеве мы бачылі ракеты, яны ляталі проста ў нас над галовамі. Але я сябе там адчуваю значна лепш, чым сядзець дома і чакаць, пакуль па цябе прыйдзе ГУБАЗіК і тваёй галавой пералічыць усе прыступкі. Тут могуць забіць. Але цяпер і мы можам адказаць. Я тут не адзін. У мяне паплечнікі. Гэта моцна ўплывае на псыхіку. Пакуль я толькі рыхтуюся, яшчэ ня быў на перадавой. Але нашы хлопцы многія там, іншыя рвуцца туды. Здаецца — дай ім аўтамат, і яны пешкі пойдуць туды, дзе цяпер горача”.