16 Травень 2022

Сёньня наш Батальён панёс вялізарную страту

Сёньня наш Батальён панёс вялізарную страту.

Падчас аперацыі па вызваленьні ўкраінскай вёскі ад рускіх захопнікаў атрымаў сьмяротнае параненьне камандзір роты, ваяр нашага Батальёну Павал “Волат”. У крытычным стане яго спрабавалі давесьці да шпіталя, але не пасьпелі…

"Волат" быў сапраўдным ваяром-легендай: быў паранены шмат разоў, але кожнага разу Павал падманваў сьмерць – і кожнага разу вяртаўся ў строй.

“Волат” ня вельмі любіў здымацца, таму пасьля яго не засталося багата фота ці відэа. Але засталася памяць. Памяць тых, каго ён ратаваў у баях, хто абавязаны ягонай мужнасьці сваім жыцьцём. Памяць ваяроў яго роты, у якім ён быў стрыжнем і сэрцам. Памяць тых, каго ён бараніў.

Няхай жа памяць пра Паўла “Волата” жыве ў кожным з нас – за чыю свабоду ён аддаў сваё жыцьцё! Бо тады

ГЕРОІ – НЕ ПАМІРАЮЦЬ!

ГЕРОЮ – ВЕЧНАЯ ПАМЯЦЬ!

ГЕРОЮ – ВЕЧНАЯ СЛАВА!

Батальён Кастуся Каліўноўскага выказвае шчырыя спачуваньні родным і блізкім Паўла.

Дапамагчы Палку!

Шукаем тых, хто гатовы дапамагаць беларускім добраахвотнікам

Даведацца больш

Падтрымаць

Паважаныя сябры!

З прычыны адсутнасці фінансавай справаздачнасці па ўсіх рахунках Палка Каліноўскага, у тым ліку ўкраінскіх, польскіх і крыптовалютных, на працягу больш за год і ігнараванне адказу на гэтае пытанне штабам Палка Каліноўскага, адміністратар дадзенага сайта лічыць мэтазгодным не мець дачынення да непразрыстых фінансавых выдаткаў. У далейшым тут будзе размяшчацца інфармацыя па рахунках для донатаў канкрэтных баявых падраздзяленняў, якія маюць патрэбу ў падтрымцы, даюць справаздачнасць і не маюць дачынення да прадстаўнікоў штаба палка.

Разам да перамогі!