Усё пачалося з пратэстаў 2020-га году

Памятаеце гісторыю пра хлапчука, якога зьбілі 12 жніўня 20-га так моцна, што дактары мусілі ўвесьці яго ў кому? Пазьней, як гэта бывае ў Беларусі, на хлопца, які ляжаў у рэанімацыі, завялі крымінальную справу.

Ягоная маці памерла, а сам ён зьнік са шпіталя…

Яго завуць Цімур Міцкевіч, сёньня ён – дабраахвотнік Батальёна імя Кастуся Каліноўскага, змагаецца са зброяй у руках супраць расейскіх акупантаў.

Прыйдзе час – Цімур вернецца на Беларусь і знойдзе сваіх катаў.