01 Красавік 2022

Сёньня ва ўсім сьвеце адзначаецца Дзень Сьмеху

Сёньня ва ўсім сьвеце адзначаецца Дзень Сьмеху. І хоць нам тут, відавочна, не да сьмеху, ёсьць рэчы, якія выклікаюць ўсьмешку прыемнасьці ды ўдзячнасьці.

Канечне, гаворка ідзе пра дапамогу, што мы атрымліваем ад валантэраў з Украіны й замежжа.

Хочацца падзякаваць Валантэрскаму Штабу Абароны Ўкраіны (г. Чэрнаўцы), які пры садзейнічаньні кампаніі “БиллЛайн” забясьпечыў наш Батальён вельмі неабходнымі для дабраахвотнікаў медычнымі прэпаратамі ды прыладамі.

Акрамя таго, сёньня атрымалі дапамогу ад нашых сяброў – FreeShop Partyzanka / фонду “Żyvi”. Яны ня толькі ўзбагацілі наш рацыён цэльнай палетай зь прадуктамі харчаваньня, але й перадалі шмат неабходных нашым дабраахвотнікам рэчаў.

Дабраахвотнікі Батальёну – ўсе як адзін – дзячаць нашым сябрам за дапамогу ды падтрымку!

FreeShop “Partyzanka” / Fundacja Żyvi

Дапамагчы Палку!

Шукаем тых, хто гатовы дапамагаць беларускім добраахвотнікам

Даведацца больш

Падтрымаць

Паважаныя сябры!

З прычыны адсутнасці фінансавай справаздачнасці па ўсіх рахунках Палка Каліноўскага, у тым ліку ўкраінскіх, польскіх і крыптовалютных, на працягу больш за год і ігнараванне адказу на гэтае пытанне штабам Палка Каліноўскага, адміністратар дадзенага сайта лічыць мэтазгодным не мець дачынення да непразрыстых фінансавых выдаткаў. У далейшым тут будзе размяшчацца інфармацыя па рахунках для донатаў канкрэтных баявых падраздзяленняў, якія маюць патрэбу ў падтрымцы, даюць справаздачнасць і не маюць дачынення да прадстаўнікоў штаба палка.

Разам да перамогі!