Полк Каліноўскага развітаўся з загінуўшым ваяром

Сёння адбылося развітанне з ваяром Палка Каліноўскага, які загінуў падчас баявой працы на Харкаўскім накірунку. Яго не стала па дарозе на пазіцыі, дзе ён павінны быў забраць адну з баявых груп пасля выканання задачы.

Прыстуныя на развітанні пабрацімы выступілі з прамовамі, адзначыўшы мужнасць і самаахвярнасць загінулага. Беларускія ваяры ўшанавалі памяць героя прачытаўшы зарок беларускага добраахвотніка.

Полк Каліноўскага выказвае шчырыя спачуванні ўсім родным і знаёмым загінулага. Кожны чалавек, які вырашыў далучыцца да барацьбы за незалежнасць Украіны і Беларусі, важны для нас. Мы бясконца ўдзячныя ўсім, хто змагаецца за свабоду і справядлівасць, і вечна захоўваем памяць аб нашых ваярах. Іх ахвяры і подзвігі ніколі не будуць забытыя.

Жыве Беларусь! Слава Украіне!